Myunxenning “Bavariya” klubi bosh direktori Yan-Kristian Drizen Chempionlar ligasi qur'asidan so‘ng jamoa murakkab tomonga tushib qolganini izohladi. Agar nemis giganti “Atalanta” to‘sig‘idan o‘tsa, keyingi bosqichda “Real” – “Manchester Siti” juftligi g‘olibiga qarshi maydonga chiqadi. Bu haqda euro-football.ru xabar beradi.
Drizenning ta’kidlashicha, setkaning o‘ng tomoni nisbatan yengilroq ko‘rinadi, biroq “Bavariya”ning chap tomonga tushganidan xursandligini aytsa, bunga hech kim ishonmasligini ham yashirmadi. Shunga qaramay, u kuchlilarga qarshi o‘ynash va og‘ir o‘yinlar o‘tkazish ham jamoa uchun yomon emasligini qayd etdi.
“Hozir bor e’tiborimiz ‘Atalanta’da. ‘Borussiya’ bilan o‘yinlaridan keyin ularni jiddiy qabul qilish kerakligi ko‘rindi. Ular Yevropa ligasini ham yutgan, finalda ‘Bayer’ni mag‘lub etgan — bu jamoa aslo no-name emas. Avval ‘Atalanta’, keyin esa vaziyatga qaraymiz”, — dedi Drizen.
Uchrashuvlar jadvaliga ko‘ra, ilk o‘yinda “Atalanta” 10 mart kuni “Bayer”ni qabul qiladi.
“Zamin”ni Telegramʻda oʻqing!
