Apple kompaniyasining iOS 27 operatsion tizimi katta yangiliklarsiz chiqadi, deya xabar bermoqda Bloomberg. Bu safar kompaniya tizimning barqarorligini ta’minlashga asosiy e’tibor qaratadi.
iOS 26 versiyasida amalga oshirilgan keng ko‘lamli dizayn o‘zgarishlaridan so‘ng, Apple tezlikni oshirish, tizimdagi xatolarni bartaraf etish va optimallashtirish ustida ishlashga qaror qilgan. Apple muhandislari foydalanuvchilar tomonidan eng ko‘p shikoyat qilingan muammolarni hal qilishga e’tibor qaratmoqda.
Jumladan, qurilmalar haddan tashqari qizib ketishi va batareyaning tez zaryadsizlanishi asosiy masalalar qatorida turibdi. Shuningdek, kompaniya interfeysdagi nosozliklar, sekin animatsiyalar, uyali aloqa, navigatsiya va ilovalar ishlashidagi xatolarni bartaraf etishni va’da qilmoqda.
Qurilmalar tizimi xatolar va ortiqcha funksiyalarni aniqlash uchun sinchkovlik bilan tekshirilmoqda. Biroq, Apple bir qator yangi imkoniyatlarni ham ishga tushirishni rejalashtirmoqda.
Ular orasida Safari brauzerining yangi versiyasi, Microsoft Exchange uchun yaxshi yordam, yangilangan QuickTime X pleeri va yuqori aniqlikdagi videokonferensiyalar mavjud. Kompaniya sun’iy intellekt funksiyalari bo‘yicha ham ishlarni davom ettirmoqda.
Kelgusidagi versiyalarda Veritas chatboti, neyrotarmoqlar asosidagi veb-qidiruv va sog‘liqni saqlashga qaratilgan “AI agent” kabi yangi imkoniyatlar paydo bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
