Олимларнинг таъкидлашларича, ёзги вақтдан қишки вақтга ва аксинча ўтиш чалкашликдан ташқари, оддий одамларнинг саломатлигида жиддий муаммолар келтириб чиқаради. Бу ҳақда «Science Alert»га таяниб «Кун.уз» хабар бермоқда. Олимларнинг айтишича, бундай вазиятда организмда биологик вақтларнинг бузилиши юз беради. Оддий қилиб айтиладиган бўлса, организм вақтнинг ўзгаришига мосалаша олмайди ва кучли стресс ҳис қилади.
Атлантадаги Эмори университети олимларининг фикрича, вақтни фақат бир соат олдинга суриш маънога эгадир, чунки бунда организм ўзгаришларга осонроқ мослаша олади. Олимларнинг таъкидлашларича. ёзги ва қишки вақтга ўтишдан воз кечиш учрашувлар ва қилинадиган ишлар жадвалига ўзгартиришлар киритишдан воз кечишга имкон беради.
Бу борада Хопкинс университети олимлари янада илгарилаб кетдилар. Улар ягона, универсал тақвим (календарь) киритишни таклиф қилишмоқда. Бу таклиф йилдан йилга бир-бирига айнан ўхшаш бўладиган ўзгармас тақвимни жорий қилишни назарда тутади.
Олимлар бу тақвимни аниқ формулалар ва компьютер дастури ёрдамида яратишган. Тақвимда март, июнь, сентябрь ва декабрь ойи 31 кундан, қолган ойлар эса 30 кундан иборат. Ҳар йил аввалгиси билан мутлақ бир хил бўлади, бунда ҳар бир чорак 91 кундан (иккита 30 кунлик ва битта 31 кунлик ой) иборат бўлади.
Бу универсал тақвим жорий тақвимга нисбатан бир қатор афзалликларга эга. У иш, дам олиш ва байрам кунлари ҳамда анъанавий тадбирларни тўғри тақсимлашга имкон беради. Ташкилот ва муассасалар ҳар йили иш ва дам олиш кунлари жадвалини янгидан тузадилар, бу эса ортиқча вақт олади. Янги тақвимда эса бунга ҳожат қолмайди. Кредитлар, облигациялар, келишувлар бўйича ҳисоб-китоблар соддалашади, чунки махсус ҳисоб-китобни талаб этмайди.
Бу тақвим устида 4 йилдан кўпроқ иш олиб борилган. Унинг асосий мақсади 7 кунлик ҳафтани сақлаб қолиш ва ҳар йили ўтказиладиган анъанавий тадбирларни режалаштиришни соддалаштиришдан иборат бўлган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
Эрон Исроилга ҳужум уюштирди. Энди уруш бошланадими?..
Давлат хавфсизлик хизмати маклерларга қўшиб мансабдорларни ҳам қўлга олди
Эроннинг Исроилга ҳужуми шунчаки спектакль эдими?..
Бухоро вилоятида «Нексия-3» автомашинаси букланиб қолди
Можародан сўнг Украинани нима кутаётгани маълум бўлди
“Толибон” Эроннинг Исроилга қарши ҳужумини қўллаб-қувватлади
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
