Бухоро вилояти ИИБ матбуот хизмати расмий хабар берди. Маълум қилинишича, Бухоро вилояти ички ишлар органлари томонидан Самандеров Отабек Улуғбек ўғли қидирувга эълон қилинган.
У Ўзбекистон Республикаси Жиноят кодексининг "Фирибгарлик" ҳақидаги моддасининг 4-қисмида назарда тутилган жиноятга алоқадорликда гумон қилинмоқда. Ушбу жиноят учун 10 йил озодликдан маҳрум қилиш жазоси белгиланган.
Жиноят ишининг тафсилотлари ошкор қилинмаган. Агар сиз қидирувда бўлган фуқаронинг жойлашуви ҳақида маълумотга эга бўлсангиз, илтимос, бу ҳақда "102" қисқа телефон рақамига ёки энг яқин ички ишлар бўлимига хабар беринг.
Шунингдек, ҳудудингиздаги профилактика инспекторига мурожаат қилишингиз мумкин. Идора фуқароларни бефарқ бўлмасликка чақирди.
Ҳар қандай маълумот гумон қилинаётган шахсни топишда муҳим аҳамиятга эга бўлиши мумкин.
