Мальдив аралдарында салауатты болашақты қамтамасыз етуге бағытталған жаңа темекі шектеуі күшіне енді, деп хабарлады Денсаулық сақтау министрлігі.
1 қарашадан бастап 2007 жылдың 1 қаңтарынан кейін туған кез келген адам — жергілікті азамат болсын немесе турист — енді темекі өнімдерін сатып алу, сату немесе тұтыну құқығына ие емес.
Министрліктің мәліметінше, ереже барлығына бірдей қолданылады және ешқандай ерекшелік жоқ. Мақсат — темекі шегуден азат, сау ұрпақ қалыптастыру.
Заңға сәйкес, кәмелетке толмағандарға темекі өнімдерін сатқан адамдарға 50 мың руфия айыппұлы салынады. Сонымен қатар, электронды сигареттерді заңсыз пайдаланғандарға 5 мың руфия көлемінде айыппұл қарастырылған.
Белгілі болғандай, «темекісіз ұрпақ» идеясын алғаш болып Жаңа Зеландия жүзеге асырған, алайда үкімет ауысқаннан кейін бұл шектеу алынып тасталды. Қазір Ұлыбританияда осындай бастама талқыланып жатыр.
Мамандар бұл саясатты қоғам денсаулығына инвестиция ретінде бағалайды.
