«Ливерпуль» бас бапкері Юрген Клопп команда қорғаушысы Трент Александер-Арнольдқа қатысты айтылып жатқан сынға тағы да жауап берді. Маман футболшының қорғаныстағы іс-қимылдарына қатысты күмәнді негізсіз деп санайды.
Бұл туралы Goal.com хабарлайды.
Бұған дейін «Манчестер Юнайтедтің» бұрынғы қорғаушысы Гари Невилл Александер-Арнольдтың қорғаныстағы кемшіліктеріне байланысты Англия құрамасының бапкері Гарет Саутгейт оған плей-офф ойындарында сене алмайтынын айтқан болатын. Клопп бұл пікірлерді үзілді-кесілді жоққа шығарды.
«Трент қазір 24 жаста және ол көптеген финалдарда, әлемдік деңгейдегі футболшыларға қарсы маңызды ойындарда жеңіске жетті. Ол әрқашан сол жерде болды және жақсы қорғанды.
Неліктен бұл тақырыпты талқылап жатқанымызды түсінбеймін», — деді Клопп журналистермен сұхбатта.
Александер-Арнольд Англия құрамасының Әлем чемпионатындағы тізіміне енген. Рис Джеймс жарақат алғандықтан және Кайл Уокердің физикалық жағдайы күмән тудырып отырғандықтан, «Ливерпуль» қорғаушысының Катардағы турнирде негізгі құрамнан орын алу мүмкіндігі артуы мүмкін.
Мәлімет үшін, Александер-Арнольд осы маусымда Премьер-лигада әр 90 минутта орта есеппен 9,5 прогрессивті пас беріп, бұл көрсеткіш бойынша чемпионатта көш бастап тұр.
“Zamin”-ді Telegram-нан оқыңыз!
