Аргентинанинг «Бока Хуниорс» клуби спорт директори лавозимига янги номзодни эълон қилди — энди бу вазифани Марсело Делгадо бажаради. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати бор, шу сабаб Делгадо ва Рикелме олдида трансфер ҳамда спорт сиёсати бўйича муҳим вазифалар турибди.
Делгадо футболчилик фаолиятида ҳам катта тажриба тўплаган: у Аргентина терма жамоаси сафида 1995–2002 йилларда 18 учрашув ўтказган ва 1998 йилги Жаҳон чемпионатида ҳам иштирок этган.
2003 йилда эса Делгадо Либертадорес кубогининг энг яхши тўпурари бўлган — у бу кўрсаткичда «Сантос» ҳужумчиси, бразилиялик Рикардо Оливейра билан бир хил натижа қайд этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
