Чемпионлар лигасида умумий босқич якунига етди. Эндиликда навбат плей-офф ўйинларига: 16 жамоа стыков раундда куч синашиб, 1/8 финалга йўлланма берадиган саккизта чипта учун баҳслашади. Умумий босқичнинг энг яхши саккиз жамоаси эса аллақачон 1/8 финалга тўғридан-тўғри йўл олди. Бу ҳақда euro-football.ru хабар беради.
Шу орада УЕФА Чемпионлар лигаси финали учун мўлжалланган тўпни намойиш қилди. У тўқ рангларда ишланган бўлиб, оқ юлдузлар билан безатилган. Тўп Adidas компанияси томонидан ишлаб чиқарилган.
2025/2026 йилги мавсум Чемпионлар лигаси финали Будапештда бўлиб ўтади. “Қулоқли” трофей учун ҳал қилувчи баҳс шанба куни, 30 май санасига белгиланган.
Амалдаги чемпион — ПСЖ. Ўтган финалда парижликлар “Интер”ни йирик ҳисобда мағлуб этиб, 5:0 натижаси билан ғалаба қозонган.
“Zamin”ни Telegram'да ўқинг!
