Оилавий шароитлар сабаб футболчилик фаолиятини яқинда якунлаган словениялик ярим ҳимоячи Кевин Кампль «РБ Лейпсиг»даги даврларини эслаб, Ральф Рангник билан боғлиқ кутилмаган воқеани айтиб берди. Унинг сўзларига кўра, мураббий рафиқаси туғруқ қилаётган пайтда ҳам уни ўйинга чиқишга мажбур қилган. Бу ҳақда euro-football.ru хабар беради.
«Сенинг ортингдан самолёт юбораман, сен бу учрашувда ўйнашинг шарт», деган эди ўшанда Рангник, дея ҳикоя қилади Кампль.
Гап «Вольфсбург»га қарши баҳс ҳақида кетмоқда, ўша учрашувда Рангник жамоаси 4:0 ҳисобида ғалаба қозонган. Ўйиндан кейин эса Кампль янада ҳайратда қолган: Рангник журналистлар билан суҳбатда футболчининг ўзи майдонга тушишга жон-дили билан интилгандек гапирган, ваҳоланки, футболчининг айтишича, вазият мутлақо тескариси бўлган.
“Zamin”ни Telegram'да ўқинг!
