«Ал-Наср» бош мураббийи Жорже Жезуш Криштиану Роналдунинг яқинлашиб келаётган ўйинда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигасида «Аркадаг»га қарши баҳс олиб боради. Португалиялик ҳужумчи бойкотдан кейин тез орада қайтиши кутилган бўлса-да, бу сафар ҳам у таркибда бўлмайди.
Жезушнинг айтишича, жамоа тиг‘из тақвим сабаб Роналду ва асосий таркибдаги яна бир қатор футболчиларга дам беришга қарор қилган. Мураббий шанба куни «Ал-Фатех»га қарши муҳим ўйин борлигини алоҳида таъкидлади.
Al Nassr Zone келтирган иқтибосда Жезуш: «Роналдунинг дам олиши янгилик эмас. Бу Саудия Арабистонидан ташқарида ўтадиган ўйинларда унинг майдонга тушмай қолиши илк бор эмас», — дея қўшимча қилган.
Саудия чемпионати доирасидаги «Ал-Фатех» — «Ал-Наср» учрашуви 14-феврал, шанба куни бўлиб ўтади.
“Zamin”ни Telegram'да ўқинг!
