Аргентина гранди «Бока Хуниорс» клубида спорт директори лавозимига янги номзод тасдиқланди: энди бу масъулият Марсело Делгадо зиммасида бўлади. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати кун тартибида турибди. Шу сабаб Делгадо ва Рикелме тандеми трансферлар ҳамда селекция йўналишида аниқ ечимлар топиши керак бўлади.
Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йилларда 18 та учрашув ўтказган ва 1998 йилги Жаҳон чемпионатида ҳам иштирок этган.
Шунингдек, 2003 йилда у Либертадорес кубогида энг яхши тўпурар бўлиб, бу совринни «Сантос» ҳужумчиси Рикардо Оливейра билан бўлишиб олган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
