Италиянинг «Интер» клубида тўп сурган собиқ ҳужумчи Алдо Серена бу мавсумда «Интер»нинг асосий рақиби бўлиб турган «Милан» имкониятларини юқори баҳолади. Унинг фикрича, Массимилиано Аллегри жамоаси ҳозирча рақибидан 5 очко кўпроқ йўқотганига қарамай, чемпионлик учун курашни сўнгги тургача давом эттиради. Бу ҳақда euro-football.ru хабар беради.
Серена «Милан» ҳали ҳам скудеттони қўлга киритиш пойгасида қолаётганини таъкидлади. У бунга сабаб сифатида «Интер»нинг Европа Чемпионлар лигасидаги иштирокини келтирди: ушбу мусобақа катта куч ва энергия талаб қилади. Ҳатто собиқ форвард чемпионлик пойгасида «Милан»ни фаворит сифатида ҳам кўраётганини билдирди, дея унинг сўзларини pianetamilan.it келтиради.
Март ойининг бошида «Милан» ва «Интер» ўзаро учрашув ўтказади — дерби 8-март куни бўлиб ўтади.
“Zamin”ни Telegram'да ўқинг!
