Аргентина гранди «Бока Хуниорс» клубнинг янги спорт директорини расман эълон қилди. Бу лавозимга Марсело Делгадо тайинланди. У клуб президенти Хуан Рикельме билан яқиндан ҳамкорликда ишлайди. Бу ҳақда euro-football.ru хабар беради.
Жамоа таркибини тезкор кучайтириш зарурати бор, шу боис Делгадо ва Рикельме дуэти яқин даврда трансфер ва спорт сиёсати бўйича муҳим қарорлар устида иш олиб боради.
Делгадо футболчилик фаолиятида ҳам ном қозонган: у Аргентина терма жамоасида 1995–2002 йилларда 18 та учрашув ўтказган ва 1998 йилги жаҳон чемпионатида ҳам иштирок этган.
Шунингдек, у 2003 йилда Либертадорес кубогининг энг сермаҳсул тўпурари бўлган — бу кўрсаткични «Сантос» ҳужумчиси Рикардо Оливейра билан бирга қайд этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
