Португалия терма жамоаси бош мураббийи Роберто Мартинес Криштиану Роналду футболчилик фаолиятини қачон тугатиши мумкинлиги ҳақидаги саволга муносабат билдирди. Бу ҳақда euro-football.ru хабар беради.
Февраль бошида 41 ёшни қарши олган ҳужумчи ҳақида гапирган мутахассис, Роналду ҳали ҳам юқори даражада ўйнашга етарли жисмоний кўрсаткичларга эга эканини таъкидлади.
Мартинес BBC билан суҳбатда: «Унинг жисмоний ҳолати яна, яна ва яна ўйнашга имкони беради. Менимча, масала қачон ўзи бунинг учун тўғри вақт келганини ҳис қилишда. Роналду жуда талабчан футболчи: у жамоага фойда бера олмаслигини англаса, шунда тўхташ қарорини қабул қилади», — деди.
Клуб даражасида Роналду Саудия Арабистонининг «Ал-Наср» жамоасида тўп сурмоқда. Хабарларга кўра, юлдуз футболчи шанба куни клуб раҳбарияти бошқарувидан норози бўлиб, бир неча ўйинни ўтказиб юборганидан сўнг яна таркибга қайтиши кутилмоқда.
«Ал-Фатех» — «Ал-Наср» учрашувини LiveResult’да матнли трансляция орқали кузатиш мумкин.
“Zamin”ни Telegram'да ўқинг!
