Аргентина гранди «Бока Хуниорс» клубнинг янги спорт директорини эълон қилди — эндиликда бу лавозимда Марсело Делгадо ишлайди. У клуб президенти Хуан Рикелме билан яқин ҳамкорликда фаолият олиб боради, Рикелме аввалроқ «Барселона» сафида ҳам тўп сурган. Бу ҳақда euro-football.ru хабар беради.
«Бока Хуниорс» таркибини зудлик билан кучайтиришга муҳтож, шу сабаб Делгадо ва Рикелме олдида трансфер йўналишида жиддий вазифалар турибди.
Делгадо футболчилик фаолиятида ҳам катта тажриба тўплаган: у Аргентина терма жамоаси сафида 1995–2002 йилларда 18 та учрашувда майдонга тушган ва 1998 йилги жаҳон чемпионатида ҳам қатнашган.
Шунингдек, 2003 йилда Делгадо Либертадорес кубогининг энг сермаҳсул тўпурари бўлган — у бу кўрсаткични Бразилиянинг «Сантос» клубидан Рикардо Оливейра билан бўлишиб олган.
“Zamin”ни Telegram'да ўқинг!
