Аргентинанинг «Бока Хуниорс» клуби спорт директори лавозимига Марсело Делгадо келганини расман эълон қилди. У клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини зудлик билан кучайтириш зарурати бор, шу боис Делгадо ва Рикельме трансферлар ҳамда селекция йўналишида фаол иш олиб бориши кутилмоқда.
Делгадо футболчи сифатида ҳам катта тажрибага эга: у Аргентина терма жамоасида 1995–2002 йилларда 18 та ўйин ўтказган ва 1998 йилги жаҳон чемпионатида ҳам майдонга тушган.
Шунингдек, у 2003 йилда Либертадорес Кубогининг энг яхши тўпурари бўлган. Делгадо бу совринни «Сантос» ҳужумчиси, бразилиялик Рикардо Оливейра билан бирга қўлга киритган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
