Аргентина гранди «Бока Хуниорс» клубида спорт директори лавозимига янги тайинлов амалга оширилди. Жамоанинг ушбу вазифадаги масъули Марсело Делгадо бўлди. Бу ҳақда euro-football.ru хабар беради.
Делгадо клуб президенти Хуан Рикелме билан яқин ҳамкорликда ишлайди. «Барселона»нинг собиқ футболчиси бўлган Рикелме билан бирга улар жамоани тез фурсатда кучайтириш бўйича асосий йўналишларни белгилаши керак.
Делгадонинг ўзи ҳам футболчи сифатида катта тажрибага эга: у 1995–2002 йиллар оралиғида Аргентина терма жамоасида 18 ўйин ўтказган ва 1998 йилги Жаҳон чемпионатида ҳам қатнашган.
Шунингдек, 2003 йилда Делгадо Либертадорес кубоги тўпурарлари рўйхатида энг юқори кўрсаткич қайд этган. У бу натижани «Сантос» ҳужумчиси, бразилиялик Рикардо Оливейра билан бирга қайд этган эди.
“Zamin”ни Telegram'да ўқинг!
