Россиялик ҳимоячи Георгий Джикия билан ишлайдиган агент Малик Арутюнов футболчининг келажаги борасида изоҳ берди. Бу ҳақда euro-football.ru хабар беради.
Агент сўзларига кўра, Джикия маош кечиктирилаётганидан норози ва шу боис Россия Премьер-лигаси клубларидан тушаётган вариантларни кўриб чиқмоқда. Қайд этилишича, тўловлар ноябр ойидан бери кечикмоқда, қолган жиҳатларда эса футболчи Туркиядаги ҳаётидан мамнун.
32 ёшли ҳимоячи ўтган ёзда «Антальяспор» сафига келиб қўшилган ва турк клуби билан икки йиллик шартнома имзолаган.
Жорий мавсум Туркия Суперлигасида Джикия 12 та учрашувда майдонга тушди, 2 та гол урди ва 3 та сариқ карточка олди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
