«Ал-Наср» бош мураббийи Жорже Жезуш Криштиану Роналдунинг яқинлашаётган ўйинда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи бўйича қайтиш ҳақидаги гап-сўзлар кучайганига қарамай, у бу сафарги рўйхатда ҳам бўлмайди.
Жезушнинг айтишича, жамоа зич тақвимни инобатга олиб, Роналдуни ҳамда асосий таркибдаги бир қатор футболчиларни асрашга қарор қилган. Мураббийнинг таъкидлашича, клубнинг навбатдаги муҳим синови «Ал-Фатеҳ»га қарши ўйин бўлади.
Al Nassr Zone келтирган иқтибосда Жезуш Роналдунинг дам олиши янгилик эмаслигини, айниқса Саудия Арабистонидан ташқарида ўтадиган учрашувларда у аввал ҳам бир неча бор майдонга тушмаганини эслатиб ўтди.
Саудия чемпионатидаги «Ал-Фатеҳ» – «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
