Аргентинанинг «Бока Хуниорс» клуби спорт директори бўйича янги қарорини эълон қилди: бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибни зудлик билан кучайтиришга муҳтож. Шу сабабли Делгадо ва Рикелме дуэти трансферлар ҳамда селекция масалаларида тезкор ечимлар топиши керак бўлади.
Делгадо футболчи сифатида ҳам катта тажрибага эга: у 1995–2002 йиллар оралиғида Аргентина терма жамоаси сафида 18 та учрашув ўтказган ва 1998 йилги жаҳон чемпионатида ҳам майдонга тушган.
2003 йилда эса Делгадо Либертадорес кубогида энг кўп гол урган футболчилар қаторидан жой олган — у бу кўрсаткич бўйича «Сантос» ҳужумчиси Рикардо Оливейра билан бир хил натижа қайд этган.
“Zamin”ни Telegram'да ўқинг!
