Денис Макаровнинг манфаатларини ҳимоя қиладиган агент Алексей Бабыр футболчининг ҳозирги ҳолати ҳақида гапирди. Бу ҳақда euro-football.ru хабар беради.
Эслатиб ўтамиз, Москванинг «Динамо» клубидан Туркиянинг «Кайсериспор» жамоасига ўтган ҳужумчи яқинда енгил жароҳат олганди.
Бабырнинг айтишича, Макаров тўлиқ тикланган ва ҳафта давомида умумий гуруҳда тўлиқ машғулот ўтказмоқда. Агент футболчига жамоада ҳаммаси ёқаётганини, фақат ўша кичик жароҳат уни бироз ортга сургани, акс ҳолда у аллақачон илк дақиқалардан майдонга тушган бўлишини таъкидлади.
Туркияда Макаров ҳозирча битта учрашувда майдонга тушиб, 30 дақиқа ўйнашга улгурди.
Якшанба куни «Кайсериспор» Туркия чемпионатининг 23-турида «Антальяспор»га қарши баҳс олиб боради.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
