Аввал Камерун терма жамоасида ишлаган россиялик мураббий Валерий Непомнящий Россия ва Мали ўртасидаги BetBoom ўртоқлик учрашуви олдидан фикр билдирди. Баҳс 27 март куни бўлиб ўтади. Бу ҳақда euro-football.ru хабар беради.
Мутахассис Россия ҳозирги шароитда халқаро майдонда чекловлар фонида исталган рақиб билан ўйнаш фойдали эканини таъкидлади. Унинг айтишича, Мали мутлақ фаворит эмас, бироқ учрашув осон кечмайди. Непомнящий техник жиҳатдан кучли жамоалар қаторида Сенегал ва Камерунни, “инглиз услубидаги” жисмоний футболга яқин таркиблар сифатида эса Гана ва Малини мисол қилди.
FIFA рейтингида Мали 54-ўринда бормоқда, Валерий Карпин бошқарувидаги Россия эса 36-поғонани эгаллаб турибди. Ушбу терма жамоалар аввал ҳеч қачон ўзаро баҳс ўтказмаган.
“Zamin”ни Telegram'да ўқинг!
