Францияда «ПСЖ»нинг янги футболчиси — украиналик ҳимоячи Иля Забарднийнинг ўйини кескин баҳсларга сабаб бўлди. Le Figaro журналистлари футболчининг майдондаги ҳаракатларини танқид остига олди. Бу ҳақда euro-football.ru хабар беради.
Нашрга кўра, Забардний таркибда тез-тез кўриниш берганида ҳимояга етарли ишонч бермаяпти. Материалда у ўзига ишончи паст, ҳаракатларда оғир ва тўп билан ишлашда ҳам кутилган даражани кўрсата олмаётгани таъкидланган. Шунингдек, у курашларда ҳам, ҳаводаги дуэл ва «иккинчи қават»да ҳам рақибларга тўлиқ устунлик қила олмаётгани ёзилган.
Эслатиб ўтамиз, Забардний 2025 йил ёзида инглизларнинг «Борнмут» клубидан Париж грандига ўтганди. Бу трансфер Франция чемпионига 63 миллион евроға тушган, ҳимоячи эса «ПСЖ» билан 2030 йил июн охиригача мўлжалланган узоқ муддатли шартнома имзолаган.
“Zamin”ни Telegram'да ўқинг!
