Февраль ўрталарда «Бавария»нинг тажрибали дарвозабони Мануэл Нойер жароҳат олди. Дастлаб у тахминан уч ҳафта сафдан чиқиши айтилганди, бироқ тикланиш жараёни кутилганидан тезроқ кечаётгани мумкин. Бу ҳақда euro-football.ru хабар беради.
Bild хабарига кўра, душанба куни Нойер майдонда дарвозабонлар мураббийи ва реабилитация бўйича мутахассис билан бирга машғулот ўтказди. Ҳозирча у мураккаб машқларни бажармади, аммо тўп билан ишлагани ижобий силжиш борлигини кўрсатади.
Германияда Нойер Дортмунднинг «Боруссия»сига қарши учрашувдайоқ кутилмаган тарзда сафга қайтиши мумкинлиги ҳақида гап-сўзлар юрибди. Жамоалар шанба куни, 28-февралда тўқнаш келади.
«Бавария» Бундеслигада пешқадам, иккинчи ўриндаги «Боруссия» эса ундан саккиз очко ортда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
