Франсия чемпионатининг 23-турида «Страсбур» «Лион»ни 3:1 ҳисобида енгган ўйин пайтида «Стад де ла Мено» стадионида тартибсизликлар юз берди. Бу ҳақда euro-football.ru хабар беради.
L’Equipe хабарига кўра, можаро трибунада ўта ўнг қарашларни тарғиб қилувчи шиорлар ёзилган баннерлар ёйилгани ортидан бошланган. Уларни мустақил шахслар, жумладан сентябр ойида Франсия ҳукумати томонидан тарқатиб юборилган Offenders гуруҳи собиқ аъзолари ҳам илиб қўйган.
Стюардлар баннерларни тезда олиб ташлаганига қарамай, келишмовчилик тўхтамади. Трибанада бундай мазмундаги баннерлар пайдо бўлишига қарши чиқадиган UB90 вакиллари тартибни бузганлар билан тўқнашиб кетди.
Кузатув камералари ёзувлари аллақачон ҳуқуқ-тартибот идораларига топширилган, ҳолат юзасидан текширув кетмоқда. Дастлабки маълумотларга кўра, жабрланганлар йўқ.
“Zamin”ни Telegram'да ўқинг!
