«Коньяспор»га кутилмаган мағлубиятдан кейин «Галатасарай» ичида муаммолар борлиги ҳақида хабарлар тарқалди. TR24 портали маълумотига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манбага кўра, бу ҳолат кетма-кет уч ой давом этмоқда. Клуб раҳбарияти эса вазият бўйича расмий изоҳ бермаётгани ОАВ ва мухлислар эътиборини янада кучайтирди.
Маҳаллий журналист Ҳалик Юрекли сўнгги воқеалар фонида «Галатасарай»нинг чемпионлик имкониятлари катта савол остида қолганини таъкидлади.
Ҳозирча жамоа 55 очко билан турнир жадвалида пешқадам, бироқ 52 очкога эга «Фенербахче»да битта ўйин захирада ва у рақибга тез орада етиб олиши мумкин.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
