Уругвайлик ҳужумчи Эдинсон Кавани Аргентинада қийин даврни бошдан кечирмоқда. «Бока Хуниорс» мухлислари уни тез-тез ҳуштакбозлик билан кутиб олмоқда, айрим учрашувларда эса у умуман майдонга тушмаяпти ёки ўйин охиригача етказмай, алмаштириб қўйилмоқда. Бу ҳақда euro-football.ru хабар беради.
Аргентина футболининг собиқ юлдузи Оскар Руджери Каванига нисбатан бундай муносабатни ҳақоратли деб баҳолади. Унинг фикрича, шунча тажриба ва обрўга эга футболчи учун бу ҳолат тўғри эмас ва Каванига футболни якунлаш ҳақида ўйлаб кўриш яхшироқ.
Руджери сўзларига кўра, «бундай таржимаи ҳолга эга футболчини шундай кўринишда кўриш — бу ҳақорат, шундай бўлгандан кўра футболни тарк этган маъқул».
Эслатиб ўтамиз, Кавани аввалроқ «Наполи», «ПСЖ» ҳамда «Манчестер Юнайтед» каби клубларда ҳам тўп сурган.
“Zamin”ни Telegram'да ўқинг!
