ПСЖ бош мураббийи Луис Энрике журналистлар билан суҳбатда жамоасининг айни пайтдаги жисмоний ва руҳий ҳолати ҳақида фикр билдирди. Бу ҳақда euro-football.ru хабар беради.
Испаниялик мутахассисга кўра, парижликлар 2024–2025 йилги жуда омадли мавсумдан кейин табиий равишда бироз пасайишни бошдан кечирмоқда.
«Бу мавсумда ҳамма футболчи доимий равишда тўлиқ тайёр бўлиб юриши мумкин эмас. Бу имконсиз. Ўтган мавсумдаги юклама ва натижалар учун ҳозир “тўлов” қилаяпмиз. Футболчилар машина эмас», — дея Энрикенинг сўзларини L’Équipe келтирди.
Эслатиб ўтамиз, ўтган мавсум ПСЖ барча асосий совринларни қўлга киритди: Франция чемпионати, Кубоги ва Суперкубоги, шунингдек, Европа Чемпионлар лигаси.
Ҳозирда Энрике жамоаси Лига 1 турнир жадвалида 54 очко билан пешқадам бўлиб турибди.
“Zamin”ни Telegram'да ўқинг!
