Саудия Арабистони чемпионатида «Ал-Ҳилол» ҳануз мағлубиятсиз юрибди, аммо сўнгги дуранглар серияси жамоани турнир жадвалида учинчи ўринга тушириб юборди. La Repubblica хабарига кўра, мамлакатда бош мураббий Симоне Индзагини истеъфога чиқариш эҳтимоли ҳақида гап-сўзлар кучайган. Айниқса, «Ал-Ҳилол» мухлислари италиялик мутахассисга қарши фикр билдирмоқда. Бу ҳақда euro-football.ru хабар беради.
Шунга қарамай, Индзаги вазиятга хотиржам қарамоқда. Унинг амалдаги шартномаси 2027 йил ўрталаригача мўлжалланган бўлиб, муддатидан аввал бекор қилинган тақдирда катта миқдордаги товон пули ҳам кўзда тутилган.
Маълум қилинишича, Симоне Индзаги дунёдаги энг кўп маош оладиган мураббийлар рўйхатида Диего Симеонедан кейин иккинчи ўринда туради. Индзагининг йиллик маоши 26 миллион еврoни ташкил этади.
“Zamin”ни Telegram'да ўқинг!
