2009 йил октябрида Қозоннинг «Рубин» клуби Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша учрашув иштирокчиси Кристиан Нобоа ғалаба ортидан берилган мукофот пуллари ҳақида эслади. Бу ҳақда euro-football.ru хабар беради.
«Бу фаолиятимдаги энг катта премиялар эди. Ҳар бир футболчи 80 минг доллар олди», — дея Нобоанинг сўзларини келтиради «Спорт-Экспресс».
Нобоанинг айтишича, у бу маблағни сарфлаб юбормаган: ҳеч нарса сотиб олмаган ва пулни жамғариб қўйган, чунки ўшанда ҳам вазминроқ йигит бўлган.
Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқ, Киевнинг «Динамо»си эса пастроқда якунлаган.
“Zamin”ни Telegram'да ўқинг!
