2009 йил октябрида Қозоннинг «Рубин» клуби Чемпионлар лигасида катта шов-шув кўтарган эди: жамоа «Камп Ноу»да «Барселона»ни 2:1 ҳисобида мағлуб этганди. Ўша учрашувда «Рубин» сафида ўйнаган Кристиан Нобоа кейинроқ бу ғалаба учун қандай мукофот пули берилганини эслади. Бу ҳақда euro-football.ru хабар беради.
Нобоанинг сўзларига кўра, бу унинг фаолиятидаги энг йирик премияси бўлган. «Ҳар бир футболчи 80 минг доллар олди», — дея унинг фикрини «Спорт-Экспресс» келтиради.
Ярим ҳимоячи ўша маблағни дарҳол сарфлаб юбормаганини таъкидлади: у ҳеч нарса сотиб олмаган, аксинча, пулни жамғармага қўйган, чунки ўшанда ҳам ўзини анча вазмин тутган.
Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» ўз гуруҳида учинчи ўринни эгаллаган. Квартетда «Барселона» ва «Интер» юқорироқ поғоналарда якунлаган бўлса, Киевнинг «Динамо»си энг пастда қолган.
“Zamin”ни Telegram'да ўқинг!
