Ayrim qonun hujjatlariga o‘zgartish va qo‘shimchalar kiritish to‘g‘risidagi qonun loyihasi e’lon qilindi.
Qayd etilishicha, hozirda respublikada 700 dan ortiq yuridik shaxslar yengil avtomobillarni ijaraga yoki lizingga beruvchi sub’ekt sifatida davlat ro‘yxatidan o‘tgan bo‘lib, 2021 yilda ushbu sub’ektlar tomonidan jami qiymati 1 trln so‘mdan ortiq bo‘lgan 2 mingdan ortiq bitim tuzilgan.
Mazkur sub’ektlar tomonidan realizatsiya qilingan mahsulotlar qiymati jami lizing tashkilotlari tomonidan realizatsiya qilingan mahsulotlar qariyb 20 foiz qismini tashkil etadi.
Biroq, tahlillar natijasi avtomobillarni ijaraga yoki lizingga berishda firibgarlik jinoyatlarini sodir etish holatlari soni ortganini ko‘rsatmoqda. Oliy sud taqdim etgan ma’lumotlarga asosan, avtomobillarni ijaraga yoki lizingga berishdagi firibgarlik jinoyati bo‘yicha 2020 yilda 10 shaxsga nisbatan ayblov hukmi chiqarilgan bo‘lsa, 2021 yilga kelib ushbu ko‘rsatkich 2 baravar ortib 22 tani tashkil etgan.
Jinoyatlar natijasida fuqarolarga yetkazilgan zarar 2020 yilda 8,2 mlrd so‘mni tashkil etgan bo‘lsa, 2021 yilda ushbu ko‘rsatkich qariyb 9 baravar ortib 69,3 mlrd so‘mga yetgan. Jinoyat natijasida jabr ko‘rganlar soni 16 baravarga ortib, 16 805 tani tashkil etgan.
Yangi hujjat loyihasiga ko‘ra, keyinchalik sotib olish sharti bilan ijaraga berish shartnomasi aniq ta’rifi va uning o‘ziga xos xususiyatlari belgilanmoqda.
Keyinchalik sotib olish sharti bilan ijaraga berish shartnomasi yoki lizing shartnomasi tuzilgan vaqtdan e’tiboran shartnoma ob’ekti lizing (ijara)ga oluvchi foydasiga qonuniy garov sifatida ro‘yxatga olinishi nazarda tutilmoqda.
Undiruvni keyinchalik sotib olish sharti bilan ijaraga berish va lizing shartnomasi ob’ektiga qaratish o‘ziga xos jihatlari belgilanmoqda.
Keyinchalik sotib olish sharti bilan ijaraga berish shartnomasi yoki lizing shartnomasi tuzilganidan keyin shartnoma ob’ektini tasarruf etish bilan bog‘liq shartnomalar tuzish taqiqlanmoqda.
Loyiha qabul qilinishi natijasida, keyinchalik sotib olish sharti bilan ijaraga yoki lizingga berish bilan bog‘liq huquqiy munosabatlar takomillashtiriladi, avtotransport vositalarini ijaraga yoki lizingga berishdagi firibgarlik jinoyatlari oldi olinadi, ijara yoki lizingga oluvchilar mulk huquqlari kafolatlari ta’minlanadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ijtimoiy tarmoqlar davrida ruhiy salomatlikni qanday saqlash mumkin?
Eron AQSHdan 1 trln dollar kompensatsiya talab qildi
Omega-3 qanday qilib ozishga yordam beradi?
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Shimoliy Koreya Rossiyaga uzoqqa zarba beruvchi qurollar yubordi
Kim Chen In harbiylarni jangovar holatda turishga chaqirdi
Rashida Tolib Kongress a’zolariga «achchiq haqiqat»ning suratini ko‘rsatdi
Turkiya Isroil prezidenti samolyotini havo hududiga kiritmadi
