GMAuthority’ning ma’lum qilishicha, General Motors 2026-yil uchun mo‘ljallangan Chevrolet Tracker Midnight Edition modelini namoyish etdi, deb uz24.uz xabar berdi. Bu — mashhur Tracker modelining ikkinchi avlodi uchun uchinchi yillik yangilanishi hisoblanadi.
LT to‘plami asosida ishlangan Midnight Edition maxsus stilistik ko‘rinishga ega bo‘lib, unga jiddiy va xashamatli tus beradi. Ushbu to‘plam tarkibiga 17 dyuymli High Gloss Black disklar, qora radiator panjarasi, qora logotiplar, tomdagi relslar, bamperlar pastki qismida qora elementlar, hamda ruldagi Chevrolet belgisi kiradi.
Dizayn to‘plami Cacti Green, Marina Blue Metallic, White Sands kabi ranglar bilan ham muvofiqlashadi. Midnight Edition uchun qo‘shimcha narx — $695 (taqriban 8,5 mln so‘m), lekin bundan tashqari LT Convenience Package (595$ yoki 7,3 mln so‘m) ham talab etiladi.
Texnika jihatlari o‘zgarmagan: 1,2 litrli turbomotor, 137 ot kuchiga ega; 6 pog‘onali avtomat uzatma va old g‘ildirakdan tortish tizimi saqlangan. Mashina E85 yoqilg‘i turiga moslashgan.
Model GM’ning VSS-F platformasida ishlab chiqilgan va an’anaga ko‘ra Janubiy Koreyaning Changwon shahridagi zavodda tayyorlanadi.
“Zamin”ni Telegramʻda oʻqing!
