Madridning "Real" klubi hujumchisi Kilian Mbappe Krishtianu Ronaldu bilan taqqoslashlar haqida o'z fikrlarini bildirdi. Yaqinda fransiyalik futbolchi o'tgan mavsum uchun Yevropaning "Oltin butsa" mukofotini qo'lga kiritdi.
Joriy mavsumda esa u yanada hayratlanarli natijalarni qayd etmoqda – barcha musobaqalarda 13 uchrashuvda 16 ta gol urdi. "Men Ronalduning yutuqlarini ortda qoldirishim mumkinmi?
Bu savolga qanday javob berishni bilmayman. Hamma biladi, Krishtianu Madridda me’zon, u birinchi raqam.
Men bu yerda bor-yo'g'i bir yarim yildan beri o'ynayapman, u esa bu klubda to'qqiz yil faoliyat olib borgan. Oʻzimni u bilan taqqoslay olmayman, men o'z yoʻlimni bosib o'tyapman.
Albatta, Ronalduning nomi bilan taqqoslanish – bu katta sharaf. Ammo men faqat o'z yo'limni yaratish va jamoamga barcha mumkin bo'lgan sovrinlarni qo'lga kiritishda yordam berish haqida o'ylayman", – deydi Mbappe "The Touchline" nashriga bergan intervyusida.
Shanba kuni "Real" La Liga doirasida o'z maydonida "Valensiya" bilan bahs olib boradi.
