“Real” bosh murabbiyi Xabi Alonso Ispaniya La Ligasining navbatdagi turi doirasida “Valensiya”ga qarshi o'yin oldidan o'z fikrlari bilan o'rtoqlashdi. “Ehtimol, tarkibda rotatsiya bo'ladi, lekin bu Chempionlar Ligasi haqida emas, balki “Valensiya”ga qarshi o'yinga tayyorgarlikdan kelib chiqib amalga oshiriladi.
Chempionlar Ligasida ochkolar yo'qotib, ularni qayta tiklash mumkin, lekin La Ligada bunday imkon yo'q – bu haqiqiy marafon. Hozirda yaxshi sur’atdamiz va uni pasaytirishni xohlamaymiz.
Men “Valensiya” va “Rayo Valyekano”ga qarshi o'yinlarni o'ylayapman. Ushbu bosqichni muvaffaqiyatli yakunlashni istaymiz.
O'tgan mavsumda “Valensiya” “Santyago Bernabeu”da g'alaba qozongan edi. Biz bo'shashmasligimiz va raqibni hurmat qilishimiz kerak.
Korberan o'z jamoalarini juda yaxshi tayyorlaydigan murabbiy. “Valensiya” sifatli futbolchilarga ega va bu o'yin bizdan maksimal e'tibor talab qiladi.
Katta g'alabadan so'ng sur’atni yo'qotish juda oson. Bunday holat yuz bermasligini istaymiz”, – dedi Alonso matbuot anjumanida.
“Real” – “Valensiya” o'yini Moskva vaqti bilan 1-noyabr kuni 23:00 da boshlanadi.
