Daniya o‘rmonida piyoda sayr uchun noyob spiralsimon inshoot paydo bo‘ladi (foto)

Daniyaning EFFEKT me’morchilik studiyasi Kopengagendan bir soatlik masofadagi Xaslev shahri yaqinidagi o‘rmon uzra qad ko‘targan spiralsimon inshootni loyihalashtirdi. Asosiy g‘oya o‘rmonda shunchaki sayr qilmasdan, uni qush parvozi balandligidan kuzatish va bunda tabiatga ziyon yetkazmaslikdan iborat, deb yozadi Kun nashri.

Tuzilmaning markaziy elementi — daraxtlar uzra qad ko‘targan va atrofdagi go‘zal landshaft manzarasini 360 darajada namoyon qiluvchi 45 metr balandlikdagi spiralsimon minora.


600 metr uzunlikdagi sayr yo‘lagi yer ustidan, ostidan va daraxtlar orasidan minora tomon olib boradi.


Butun marshrut ikki seksiyaga bo‘linadi: balandlikda eng qadimiy daraxtlar orasida sayr qilish va balandlikdan qo‘rqadiganlar uchun variant - yerga yaqin joylashgan va yoshroq daraxtlar sari olib boruvchi yo‘lak.








Noyob loyiha 2018 yilda amalga oshiriladi. “Zamin”ni Telegramʻda oʻqing!