O‘zbekistonda korrupsiyaga qarshi kurash doirasida 2026 yil 1 iyuldan boshqaruv tizimini majburiy sertifikatlash amaliyoti joriy etiladi. Adliya vazirligi ma’lumotiga ko‘ra, bu jarayon bosqichma-bosqich 2030 yilgacha davom etadi.
Yangi tartib rahbarlar uchun shaxsiy mas’uliyatni kuchaytiradi. Agar tashkilotda tizim belgilangan muddatda to‘liq yo‘lga qo‘yilmasa, sertifikat olingunga qadar direktor va uning o‘rinbosarlariga mukofot pullari to‘lanishi vaqtincha to‘xtatiladi.
Avvalo samaradorlik reytingida "qoniqarsiz" baho olgan tashkilotlar sertifikatlashdan o‘tkaziladi.
Shuningdek, mamlakatda yagona monitoring tarmog‘i ishga tushirilishi rejalashtirilgan. U Korrupsiyaga qarshi kurashish agentligi, huquqni muhofaza qiluvchi organlar va jamoatchilikni bog‘lab, qonunbuzarliklar haqidagi ma’lumotlarni tezkor almashishga xizmat qiladi.
“Zamin”ni Telegramʻda oʻqing!
