Foto: IZVЕSTIYA/Dmitriy Korotayev
Koronavirusdan sog‘ayib ketganlarda yana bir hafta davomida virus saqlanib qolishi mumkin. Shu sababli ular yana bir hafta davomida kasallik tashuvchilari bo‘lib qolishlari mumkin.
Bunday xulosaga xalqaro olimlar guruhi Pekin tibbiyot markazida o‘tkazgan tadqiqotlari natijalariga ko‘ra kelishdi. Natijalar ATSJournals nashrida chop etilgan.
Shifokorlar shifoxonada 28 yanvardan 9 fevralgacha davolangan 16 bemor haqidagi ma’lumotlarni o‘rganishgan. Bemorlarning o‘rtacha yoshi 35,5 yilni tashkil qilgan. Ularning barchasi kasallikdan forig‘ bo‘lgan, buni polimeraza zanjir reaksiyasi usuli bo‘yicha o‘tkazilgan ikki test ko‘rsatgan.
Bemorlar kasallikni turli darajada boshdan kechirganlar. Ularda virusning o‘rtacha inkubatsiya davri 5 kunni, intensiv davolash esa 8 kunni tashkil qilgan.
Aniqlanishicha, sog‘ayib ketgan bemorlardan yarmi kasalliklar alomatlari yo‘qolgandan keyin ham 1 kundan 8 kungacha virus tarqatishi davom etgan.
Tadqiqot mualliflaridan biri Liksin Se sog‘ayib ketgan bemorlarning yana 1-2 hafta karantinda qolishini tavsiya qilgan.
“Tadqiqotimiz natijasi koronavirusdan forig‘ bo‘lganlarning yarmi organizmida barcha alomatlar yo‘qolgandan keyin ham 1 kundan 8 kungacha virus saqlanib qolganini ko‘rsatgan”, deb aytgan olimlar guruhi a’zosi Lokesh Sharma.
Bundan tashqari, olimlarning fikricha, keksalarda virus yanada ko‘proq muddat qolishi mumkin.
Shu sababli olimlar shifokorlarni bemorlar ortidan ular shifoxonadan chiqarilgach ham kuzatuv olib borishga chaqirishgan.
Avvalroq Jahon sog‘liqni saqlash tashkilotining Rossiyadagi vakili Melita Vuynovich koronavirus barcha yoshdagi odamlar uchun xavfli ekanini, yoshlar bu kasallikka kamroq chalinishini, ammo shunga qaramay, barchani birday asrash lozimligini ta’kidlab o‘tgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Rossiyada amerikalik askar o‘g‘rilikda ayblanib qo‘lga olindi
Ishsizlik nafaqasi miqdorini belgilashga aniqlik kiritilmoqda
Si Jinping Ukrainada tinchlik o‘rnatish bo‘yicha Parij bilan hamkorlikka tayyorligini bildirdi
“Barselona”da yangi mojaro boshlandi
Aleksandr Stoymirovich: "Tarkibimizda yo‘qotishlar bor"
Netanyaxu: “Isroil garovga olinganlar evaziga harbiy harakatlarni to‘xtatishga tayyor”