2025-yil boshidan O'zbekistonda ishsizlik darajasi 4,9% ga pasaydi. Bu raqam prezident Shavkat Mirziyoyev rahbarligida aholining bandligini ta'minlash bo'yicha o'tkazilgan yig'ilishda e'lon qilindi.
Buxoro, Kogon, Navoiy, Zarafshon, Samarqand va Shirin shaharlarida ishsizlik darajasi 4% dan pastga tushib, ilk marotaba "tabiiy" darajaga yaqinlashdi. Shuningdek, 1,4 mingdan ortiq mahalla ilk bor qashshoqlikdan xoli hududga aylangani qayd etildi.
Yil oxiriga kelib qashshoqlik darajasi 6% ga (o'tgan yili 8,9%) tushishi prognoz qilinmoqda. Davlat rahbari Surxondaryodagi Uzun tumanini namuna sifatidagi hududlardan biri sifatida ko'rsatdi.
Bu yil ushbu tumanda qashshoqlikni kamaytirish dasturi doirasida 160 milliard so'm ajratildi. Shuningdek, tumanga 70 million dollar xorijiy investitsiya kiritilib, 47 korxona ishga tushirildi, 300 ta xizmat ko'rsatish ob'ektida 1 mingga yaqin kishi ish bilan ta'minlandi.
Uzunda tadbirkorlar va aholi o'rtasida kooperatsiya yo'lga qo'yildi. Buning natijasida yil boshidan buyon Uzun tumanida qashshoqlik darajasi 10,5% dan 3% ga tushdi.
Mehmon guruhidagi foydalanuvchilar ushbu nashrga izoh qoldira olmaydi.
