Serie Aning 20-turidagi markaziy bahsda «Inter» «Napoli»ga qarshi o‘yinda uch ochkoni qo‘lga kirita olmadi. Bu haqda euro-football.ru xabar beradi.
Neapolliklar bosh murabbiyi Antonio Konte yana chetlatildi: u jamoasi darvozasiga belgilangan penalti epizodidan keyin hakam qaroriga keskin munosabat bildirdi.
Italiya terma jamoasining sobiq futbolchisi Franchesko Gratsiani ushbu holatni sharhlab, Konteni o‘zini tuta bilishga chaqirdi.
«Bu asab. Konte o‘ngacha sanashni o‘rganishi va bunday reaksiya qilmasligi kerak. Shunchaki sabr qilsin, takrorni ko‘rsin. U yerda ming foizlik penalti bor edi», — deya Gratsianining so‘zlarini fcinter1908.it keltiradi.
Uchrashuvdan keyin «Inter» A Seriyada peshqadamlikni saqlab qoldi, «Napoli» esa uchinchi o‘rinda bormoqda.
“Zamin”ni Telegramʻda oʻqing!
