1 fevral kuni O‘zbekistonga Turkmaniston tomondan biroz namroq va nisbatan iliq havo oqimi kuchayadi. Shu sababli respublika bo‘ylab ayrim hududlarda asosan yomg‘ir ko‘rinishidagi yog‘ingarchilik kuzatilishi mumkin.
Faqat Qoraqalpog‘iston Respublikasi, Xorazm viloyati hamda Farg‘ona vodiysi viloyatlarida yog‘ingarchiliksiz ob-havo saqlanib turadi.
Shuningdek, respublika bo‘yicha ba’zi joylarda tuman tushishi ehtimoli bor. Ayniqsa, ertalabki soatlarda yo‘llarda ehtiyot bo‘lish tavsiya etiladi.
Eng yoqimli yangilik shundaki, harorat foni sezilarli ko‘tariladi: kechasi sovuq pasayadi va 1 fevral kuniga kelib, tungi harorat 1–6 daraja iliq atrofida bo‘ladi. Kunduz kunlari esa 10–15 daraja iliqqacha ko‘tarilishi kutilmoqda.
Toshkent shahrida 1 fevral kechasi 3–5 daraja iliq, kunduzi esa 12–14 daraja iliq bo‘ladi.
Qisqasi, qish “rejimi” biroz susayadi: yomg‘ir zontni eslatadi, iliq havo esa kayfiyatni ko‘taradi. Zontni unutmang, ammo bahor kayfiyatiga ham tayyor turing.
“Zamin”ni Telegramʻda oʻqing!
