Yandex Go xizmatida yangi imkoniyat ishga tushirildi – O‘zbekiston shaharlariga yuklarni yetkazib berish xizmati. Endi posilkalarni Yandex Go Market buyurtmalarni qabul qilish punktlari orqali jo‘natish va boshqa shaharda qabul qilish mumkin.
Yetkazib berish bir kun ichida amalga oshiriladi. Ushbu yangi xizmat nafaqat shaxsiy jo‘natmalar uchun, balki kichik biznes uchun ham foydali bo‘lib, mijozlarga buyurtmalarni tezroq yetkazish imkonini beradi.
Buyurtma berish uchun «Yetkazib berish» bo‘limidan «O‘zbekiston bo‘ylab» bo‘limini tanlash, jo‘natuvchi va qabul qiluvchi ma’lumotlarini kiritish, jo‘natish va qabul qilish punktlarini hamda posilka turini (S – 2 kg gacha, M – 5 kg gacha yoki L – 12 kg gacha) belgilash lozim. Shundan so‘ng buyumni qabul qilish punktiga olib borish kerak, qabul qiluvchi esa ilovada xabarnoma olganidan keyin uni olib ketadi.
Hozirda xizmat to‘rtta shahar – Toshkent, Samarqand, Buxoro va Farg‘ona o‘rtasida ishlamoqda. Kelgusida marshrutlar kengaytirilishi rejalashtirilgan.
Posilka holatini ilova orqali kuzatish mumkin. Dastlabki uchta jo‘natma narxi 4500 so‘mni tashkil etadi, keyingi jo‘natmalar esa 9500 so‘m turadi.
Narx shaharga bog‘liq emas va belgilangan. To‘lov ilova orqali amalga oshiriladi, kelgusida boshqa to‘lov usullari ham joriy etiladi.
Mehmon guruhidagi foydalanuvchilar ushbu nashrga izoh qoldira olmaydi.
