Portugaliyaning «Benfika» klubi vingeri Janluka Prestianining Madridning «Real»iga qarshi o‘yinda kiygan futbolkasi auksionga chiqarildi. Yevropa Chempionlar ligasi doirasidagi 17 fevral kuni bo‘lib o‘tgan ilk uchrashuvda «Real» 1:0 hisobida g‘alaba qozongan, bahs esa Prestianining irqchilik bo‘yicha bildirgan e’tirozlari bilan ham yodda qolgan. Bu haqda euro-football.ru xabar beradi.
Ushbu futbolka «Benfika»ning rasmiy hamkori sanaladigan Match Worn Shirt platformasi orqali sotuvga qo‘yildi. Hozircha xarid uchun 46 ta taklif kelib tushgan, eng yuqori narx 1 ming yevroni tashkil qilmoqda.
Argentinaning «Velez Sarsfild» akademiyasi tarbiyalanuvchisi Prestiani 2024 yildan beri «Benfika» safida to‘p suradi. Joriy mavsumda u 30 uchrashuvda maydonga tushib, 2 ta gol urdi va 2 ta golli uzatma amalga oshirdi.
“Zamin”ni Telegramʻda oʻqing!
