Davlat xavfsizlik xizmati xodimlarining Toshkent shahar ichki ishlar bosh boshqarmasi bilan hamkorlikda oʻtkazgan tezkor tadbiri davomida poytaxtimizining Uchtepa tumanidagi masjidlarning birida mutavalli boʻlib ishlovchi, 1989-yil Qashqadaryo viloyatining Yakkabogʻ tumanida tugʻilgan, oʻrta maʼlumotga ega boʻlgan shaxs oʻzining vaqtincha yashash manzilida joriy yilning sentyabr oyidan buyon 4 nafar voyaga yetmagan bolaga noqonuniy tarzda diniy saboq berib kelayotganligi aniqlandi.
Maʼlum boʻlishicha, Samarqand viloyatida va Toshkent shahrida tugʻilgan bolalarning uch nafari 6 yoshli boʻlib, hali ular umumtaʼlim maktabiga oʻqishga bormagan, toʻrtinchisi esa Samarqand viloyati Payariq tumanidagi maktablarning birida 5-sinf oʻquvchisi hisoblanadi.
Shu oʻrinda savol tugʻiladi. Nima uchun Payariq tumanidagi maktab rahbariyati oʻz oʻquvchisining uzoq muddat darslarga kelmasligiga eʼtibor bermagan.
Bolalar mazkur shaxs ijarada turgan uyning xonalaridan birida yashashgan va diniy saboq olishgan. Buning uchun ularning ota-onalari har oy 900-950 ming soʻm miqdorida pul toʻlashgan.
Taʼkidlash lozimki, diniy taʼlimga ega ekanligi haqida hech qanday hujjati boʻlmagan shaxs oʻqitish jarayonida bolalarga nisbatan jismoniy jazolar qoʻllagan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
