Sizda gaz, elektr va boshqa muammolar bormi? Poytaxtda dispetcherlik xizmati ishga tushdi

  • 22 noyabr 2016, 07:48
  • 4 785
  • O‘zbekiston
  • Sizda gaz, elektr va boshqa muammolar bormi? Poytaxtda dispetcherlik xizmati ishga tushdi

    Toshkent shahar hokimiyati qish kunlari aholi duch kelishi mumkin bo‘lgan turli muammolarni hal qilish uchun har bir tumanda uzuluksiz ishlaydigan dispetcher xizmatini tashkil qildi, deb xabar beradi hokimiyat matbuot xizmati.

    “Poytaxtimiz aholisiga yaxshi tanish bo‘lgan 1055 dispetcherlik xizmati qish-qirovli kunlarda issiqlik, tabiiy gaz, elektr ta’minoti, ko‘p qavatli uylarning erto‘lalari, kirish yo‘laklari, chordoqlar, tom ustidagi barcha muammolar va xizmat ko‘rsatuvchi tashkilotlar faoliyati bilan bog‘liq boshqa masalalar bo‘yicha murojaatlarni uzluksiz tun-u kun davomida qabul qilishi va bu muammolarni tezkorlik bilan bartaraf etishini ma’lum qiladi”, — deyilgan hokimiyat xabarida.

    Undan tashqari, to‘rt raqamli dispetcherlik xizmatlari har bir tumanda ham tashkil etilgan: Bektemir tumani — 1068, Mirobod tumani — 1079, Mirzo Ulug‘bek tumani — 1075, Olmazor tumani — 1070, Sergeli tumani — 1071, Uchtepa tumani — 1073, Chilonzor tumani — 1056, Shayxontohur tumani — 1077, Yunusobod tumani — 1078, Yakkasaroy tumani — 1074, Yashnobod tumani — 1076.

    “Shuni eslatib o‘tmoqchimizki, ushbu dispetcherlik xizmatiga qilingan har bir murojaat audio formatida yozib olinadi va ularning ijrosi ustidan tizimli nazorat o‘rnatilgan. Bir so‘z bilan aytganda, Sizning 1055 dispetcherlik xizmatiga qilgan har bir murojaatingiz ijrosi doimiy nazoratda bo‘lishi ta’minlanadi”.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Sizda gaz, elektr va boshqa muammolar bormi? Poytaxtda dispetcherlik xizmati ishga tushdi