"Тоттенҳэм"нинг собиқ бош мураббийи Маурисио Почеттино Англия Премьер-лигасини жуда соғинганини яширмади. Мутахассис АПЛга албатта қайтишига ишонади ва чемпионликни ҳам қўлга киритиш ниятида, бироқ бу қачон ва қайси жамоа билан рўй беришини ҳозирча аниқ айта олмайди. Бу ҳақда euro-football.ru хабар беради.
"Мен яна уриниб кўраман. АПЛни ютиш — менинг орзуим. Қайси клуб билан ва қачонлигини билмайман, лекин бунга тайёрман. Ҳозир мураббийлик фаолиятимнинг энг юқори паллидаман", — дея Почеттинонинг сўзларини derbyderbyderby.it келтирди.
Айни пайтда Почеттинонинг собиқ жамоаси — Лондоннинг "Тоттенҳэм" клуби чемпионат турнир жадвалида 15-ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
