Аргентинанинг «Бока Хуниорс» клуби спорт директори лавозимига янги номни эълон қилди: энди бу вазифани Марсело Делгадо бажаради. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Клуб таркибни қисқа муддат ичида кучайтиришга муҳтож. Шу боис Делгадо ва Рикелме трансфер бозорида фаол ҳаракат қилиб, жамоани зарур позицияларда мустаҳкамлаш устида иш олиб боради.
Делгадо футболчилик фаолиятида ҳам ном қозонган: у 1995–2002 йиллар оралиғида Аргентина терма жамоасида 18 та учрашувда майдонга тушган ва 1998 йилги жаҳон чемпионатида ҳам иштирок этган.
Шунингдек, 2003 йилда у Либертадорес кубогининг энг сермаҳсул тўпурари бўлган — «Сантос» ҳужумчиси Рикардо Оливейра билан бирга энг кўп гол урган футболчи сифатида қайд этилган.
“Zamin”ни Telegram'да ўқинг!
