Аргентинанинг «Бока Хуниорс» клуби спорт директори лавозимига Марсело Делгадони тайинлаганини расман маълум қилди. У жамоа президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож. Шу сабаб Делгадонинг асосий вазифаларидан бири Рикелме билан бирга трансфер сиёсатини тартибга солиш ва жамоани зарур позицияларда мустаҳкамлаш бўлади.
Делгадо футболчи сифатида ҳам катта тажрибага эга: у 1995–2002 йилларда Аргентина терма жамоаси сафида 18 та учрашувда майдонга тушган, жумладан 1998 йилги Жаҳон чемпионатида ҳам қатнашган.
Шунингдек, у 2003 йилда Либертадорес кубогида энг кўп гол урган футболчилар қаторидан жой олган — «Сантос» ҳужумчиси Рикардо Оливейра билан бирга турнирнинг энг яхши тўпурари бўлган.
“Zamin”ни Telegram'да ўқинг!
