Франция чемпионатининг 21-турида «ПСЖ» «Марсел»ни 5:0 ҳисобида енгган баҳс (8 февраль, «Парк де Пренс») ортидан парижлик мухлисларнинг хатти-ҳаракати клуб учун муаммога айланиши мумкин. Бу ҳақда Le Parisien нашри ёзди. Бу ҳақда euro-football.ru хабар беради.
Манбага кўра, «ПСЖ» трибуналарида рақибга нисбатан ҳақоратли шиорлар янграган, мазмуни ўхшаш баннерлар ҳам кўтарилган. Айрим иборалар ирқчилик сифатида баҳоланиши эҳтимоли тилга олинмоқда, бироқ нашр суҳбатлашган юрист буни амалда исботлаш қийин бўлиши мумкинлигини таъкидлаган.
Учрашув якунига 20 дақиқа қолганида кўплаб фаерлар ёқилгани сабаб ўйин вақтинча тўхтатиб қўйилган. «ПСЖ» раҳбарияти эса баҳсдан аввал мухлислардан бундай ҳаракатлардан тийилишни сўраб, вазиятнинг олдини олишга урингани қайд этилди.
Аввалроқ ҳам клуб мухлислари «Париж» клубини ҳақорат қилганидан сўнг «ПСЖ» трибунанинг бир қисмини ёпиш тарзида жазоланган эди. Энди ҳолат яна такрорлангани учун 18 февраль куни маҳаллий интизомий қўмита худди шундай чорани кўриши мумкинлиги истисно қилинмаяпти.
“Zamin”ни Telegram'да ўқинг!
