Сўнгги кунларда ошкор қилинган «Эпштейн файллари» бутун дунёда катта шов-шувга сабаб бўлди. Мазкур ҳужжатлар футбол оламига ҳам таъсир қилди — уларда Франция терма жамоасининг собиқ футболчиси ва «Бавария»нинг экс-юлдузи Франк Риберининг исми ҳам тилга олинган. Бу ҳақда euro-football.ru хабар беради.
Вазиятдан сўнг Риберининг манфаатларини ҳимоя қилувчи адвокат Карло Альберто Бруза ижтимоий тармоқларда муносабат билдирди. У тарқалган маълумотларни ёлғон, дея атади.
«Бу фейк! Эртага мен жаноб Риберининг адвокати сифатида чиқиш қиламан ва мижозим ҳамда унинг оиласи шаънига путур етказаётган ёлғон хабарларни тарқатганларни жазолаш учун барча зарур ҳуқуқий чораларни кўраман», — деб ёзди Бруза.
Риберинг номи эълон қилинган материалларнинг уч бетида учрагани айтилаяпти. Унда тахминий жабрланувчи футболчини ноқонуний фоҳишалик билан боғлиқ алоқаларда айблаган, шунингдек, Риберинг илтимосига кўра учинчи шахс томонидан бир одамга ҳужум уюштирилганини ҳам даъво қилган.
“Zamin”ни Telegram'да ўқинг!
